USA korrespondenten Lars Os fortel om arbeidet sitt og samtalar med redaktør Guri Jortveit
Det blir høve til å stille spørsmål, Os mannskor syng ei lita avdeling, og sjølsagt blir det tid til kaffe og prat.

Med stødig og godt språk og på Os-dialekt dekker Lars Os eit mangfald av nyheiter frå USA, anten det er storminga av Kongressen, reportasjar frå landsbygda eller Oscar-festen.
Difor har Austmannalaget som er fylkeslag for mållaga i Hedmark og delar av Oppland bestemt at Lars Os får Dialektprisen 2021.
Dialektprisen er ei påskjøning frå Austmannalaget til personar eller institusjonar som har gjort framifrå arbeid for dialektane – anten ved sjølve å vera gode talskvinner eller menn for dialektreisinga, eller gjennom opplysing og forståing for dialektbruk gjennom vitskapleg, kulturelt eller målpolitisk arbeid.
Lars Os kjem i godt selskap med t. d. Guren Hagen frå Rendalen og totningane Narum og Vazelina Bilopphøggers som også har fått Dialektprisen.

Arr: Austmannalaget, Nord-Østerdal dialekt- og mållag / Os kommune, kulturkontoret